Hnit: 64.658432°N, -14.2836°V
Sorry english version does not exist, here is the icelandic.

Djúpavogshreppur tilheyrir suðurfjörðum Austurlands. Svæðið samanstendur af þremur fjörðum; Álftafirði, Hamarsfirði og Berufirði, en á milli þeirra tveggja síðarnefndu skagar fram Búlandsnes, þar sem þorpið Djúpivogur stendur.
Þann 1.janúar 2011 voru íbúar sveitarfélagsins 447 og þar af um 20% dreifð um sveitir fjarðanna þriggja. Þjónustustig í þéttbýlinu er hátt, menningarlíf auðugt og ungt fjölskyldufólk hefur á síðastliðnum árum sótt í auknu mæli aftur til heimahaga sinna og sest þar að.
Staðurinn á sér langa og merkilega verslunarsögu sem spannar yfir 400 ár. Minnisvarði þessarar verslunarsögu er Langabúð, gamalt verslunarhús sem byggt var á árið 1790 og hýsir nú glæsilegt kaffihús ásamt söfnum sem tileinkuð eru sögu byggðarinnar við voginn, ráðherranum Eysteini Jónssyni auk safni til heiðurs myndhöggvarans Ríkarði Jónssyni, hugmyndasmiðs íslenska skjaldamerkisins, sem ólst upp á Strýtu við Hamarsfjörð.

Stórbrotin náttúra Djúpavogs býður upp á ýmsa möguleika í útivist. Margar kortlagðar gönguleiðir eru um svæðið, inn á milli kletta, út með fjörum og fram með vötnum þar sem fuglalíf er með eindæmum fjölskrúðugt og því tilvalið til fuglaskoðunar en bæði fulglaskoðurnar- og gönguleiðakort er hægt að nálgast á svæðinu. Báturinn Gísli í Papey ferjar fólk á söguslóðir papanna útí Papey yfir sumartímann, þar sem lundinn ræður nú ríkjum.
Frá Hótel Framtíð er fallegt útsýni yfir höfnina og Búlandstind, píramídalaga tind, sem gnæfir yfir þorpinu og er af mörgum talinn ein af orkustöðvum landsins. Hótelið er opið allan ársins hring og státar af glæsilegum matseðli og margvíslegum gistimöguleikum, hvort sem það er á herbergi á hótelinu sjálfu, í fullbúnum sumarbústöðum við hlið þess eða á nýendurbættu tjaldstæði í hjarta bæjarins.
Frekari upplýsingar á www.djupivogur.is

Staðsetning: Austurland
Fjöldi íbúa: 450
Vefsíða: Sjá hér
Myndbönd: 5 (Hér)
Skráðir bátar: 6
Skoðuð: 6243 sinnum

Vegalengd frá Reykjavík: 550 km




Tengdir staðir


Nýjustu staðirnir

Norðfjarðarkirkja
Staðsetning: Austurland
Kirkjan er byggð upp úr Skorrastaðakirkju sem ...... Meira
Elliðaárdalur
Staðsetning: Suðvesturland
Elliðaárdalurinn er eitt stærsta græna sv&ae...... Meira