GISTIHEIMILIÐ LYNGHOLT Á ÞÓRSHÖFN – Opið allt árið
Gistiheimilið Lyngholt var opnað í lok árs 1999, eigendur eru Karen Rut Konráðsdóttir og Ólafur Birgir Vigfússon. Húsið var áður í eigu fjölskyldu Karenar, en foreldar móður hennar byggðu það árið 1958.
Karen og Ólafur búa að Syðra-Álandi í Þistilfirði þar sem þau reka sauðfjárbú og eiga þau 3 dætur.
Gerðar hafa verið miklar endurbætur á húsnæðinu undanfarin ár og má segja að það sé nú orðið full uppgert.
Í Lyngholti eru 9 svefnherbergi, mismunandi að stærð og útliti, samtals með gistirými fyrir 15 manns. Gestir hafa aðgang að eldhúsi, stofu og þvottahúsi, þráðlaust internet og sjónvarp á öllum herbergjum. Eitt herbergi er með sér snyrtingu annars eru tvær snyrtingar með hinum 8 herbergjunum.
Nýja gistirýmið heitir að sjálfsögðu LÖGHÆÐ.
Nú hefur gistiheimilið opnað nýja gistiaðstöðu að Eyrarvegi 2, sem er efri hæð lögreglu-stöðvarinnar. Þar eru 6 herbergi, 2 snyrtingar og þvottahús, sjónvarp í setustofu og á öllum herbergjum, þráðlaust internet og góð eldunaraðstaða. Það er vert að benda gestum á að stiginn upp á aðra hæð á Eyrarveginum er frekar brattur og ágætt að taka það fram þegar pantað er ef viðkomandi á erfitt með gang. Þá er betra að fá herbergi á neðri hæðinni í Lyngholti.
Með þessari viðbót verða komin um 25 gistirými hjá Lyngholti.
Karen Rut Konráðsdóttir Sími: 897 5064
E-mail: lyngholt@lyngholt.is
Við erum líka á facebook, þar eru fleiri myndir, fréttir og fróðleikur.
Gistiheimilið Lyngholt er áhugaverður staður á Íslandi sem vert er að heimsækja.