Malarrifsviti

Ósk
Séð

Vesturland

Sjá á korti

509 skoðað

Fyrst var reistur viti á Malarrifi árið 1917. Það var 20 m hár járngrindarviti sem smíðaður var í Reykjavík, fluttur í hlutum á staðinn og settur þar saman. Eins og margir þeirra járngrindavita sem byggðir voru hérlendis lét eldri Malarrifsvitinn fljótt undan síga fyrir veðrun og ryði og árið 1946 var núverandi viti byggður í hans stað.

Malarrifsviti yngri, hannaður af Ágústi Pálssyni arkitekt, er 24,5 m að hæð, steinsteyptur sívalur turn með fjórum stoðveggjum sem gefa honum sérstakt yfirbragð. Hann var húðaður með ljósu kvarsi en hefur nú verið kústaður með hvítri sementsblöndu. Ljóshúsið var áður á eldri vitanum. Það er íslensk smíð.

Gasljós var í vitanum fram til 1957 að hann var rafvæddur. Ljósið er magnað með 1000 mm linsunni sem kom á Malarrif 1917.

Vitavörður hafði fasta búsetu á Malarrifi frá 1917 til 1991. Íbúðarhús var byggt árið 1953 og stækkað 1966. Radíóviti var starfræktur á Malarrifi um nokkurt skeið í vélahúsi sem þar stendur enn. Malarrifsviti er í hópi friðaðra vita.

Heimild: Sjá hér
Mynd: Formilock

 

FÖS
30-07-2021
14°C - 4 m/sek
ANA 4
LAU
31-07-2021
17°C - 2 m/sek
ANA 2
SUN
01-08-2021
12°C - 3 m/sek
NA 3
MÁN
02-08-2021
15°C - 2 m/sek
ASA 2
ÞRI
03-08-2021
14°C - 2 m/sek
ASA 2
MIÐ
04-08-2021
14°C - 3 m/sek
SA 3
FIM
05-08-2021
14°C - 1 m/sek
NA 1
Gögn eru sótt frá Vedur.is, veður stöðin heitir: Ólafsvík


Staðir nálægt mér

© Anton Stefánsson | antonstefans@gmail.com

Vefsíðan notast við kökur