Ásvallalaug er ein sú stærsta á landinu eða um 6.000 m² . Í húsnæðinu er einnig heilsuræktarstöðin Hress, Ásmegin sjúkraþjálfun og félagsaðstaða Sundfélags Hafnarfjarðar og íþróttafélagsins Fjarðar. Sundlaugin er með 50 metra sundlaug sem er skipt í tvennt, annar helmingurinn er 50 m að lengd og hinn helmingurinn er 25m. í lauginni er einnig barnalaug sem er 17 metrar (90-110cm djúp) og 10 metra vaðlaug með leikföngum. Hitastigið í salnum er ávalt um 30°, barnalaugin er um 32° og sunlaugin 28°. Innanhúss er einnig vatnsrennibraut, þrír heitir pottar og eimbað. Utandyra eru tveir heitir pottar og sólbaðsaðstaða. Í Ásvallalaug er hefðbundið skólasund og sundæfingar félaganna en einnig er blak, waterpolo, æfingar köfunarfélaga, æfingar kajakræðara, námskeið í bættum sundstíl, námskeið fyrir verðandi og nýbakaðar mæður, undbarnasund, vatnsleikfimi ofl.