Í Suðurbæjarlaug er útisundlaug sem er 12,5 x 25 metrar og er hún samtengd við kennslulaug inni sem er líka góð barnalaug. Á útisvæði eru heitir pottar, bunusveppur, vatnsgufa, tvær vatnsrennibrautir og göngustígur sem liggur um sundlaugargarðinn. Í kjallara Suðurbæjarlaugar er heilsuræktarstöðin Nautilus ásamt búningsklefa. Boðið er upp á vatnsleikfimi, sundkennslu, ungbarnasund og nudd. Þrír nuddarar starfa í húsnæði laugarinnar.