Skipið Garðar

Ósk
Séð

Vestfirðir

Sjá á korti

1413 skoðað

Garðar er 179 lesta stálbátur sem smíðaður var hjá Askers Mek skipasmíðastöðinni í Noregi árið 1912 til hvalveiða. Hann var tvímastraður og seglbúinn, en með gufuvél til að nota í lognviðri. Þá fékk hann nafnið Globe IV. Globe IV var gerður út á hvalveiðar í Suður-Íshafi en hann var sérstaklega styrktur til Íshafssiglinga. Hann var svo seldur til Hvalveiðifélagsins Áir í Þórshöfn í Færeyjum 1936 og hlaut þar nafnið Falkur. 

Skipið kom svo hingað til lands 20. janúar 1945 og hlaut nafnið Siglunes SI 89. Þá var sett í það 378 ha Ruston Hornsby dieselvél. Sett voru um sex tonn af steypu í kjölinn vegna þyngdarmunar gufuvélarinnar og dieselvélarinnar. Fjölmargar endurbætur voru þá gerðar á skipinu. Siglunesið var svo gert út á síldveiðar en einnig á línu. 

Árið 1952 var skipt um eigendur, skipið nefnt Sigurður Pétur RE 186 og hann gerður út á síld-, línu- og netaveiðar. Tíu árum síðar var skipt um eigendur og þá hét skipið Hringsjá SI 94. Árið eftir var skipið selt á ný endurskírt Garðar GK 175. 

Loks var báturinn seldur 1974 til Patreksfjarðar og hélt nafninu, en var nú BA 64 og var gerður út á línu og net. Loks var Garðar dæmdur ónýtur, tekinn af skrá 1. desember 1981 og svo siglt á land og í sátur í Skápadal. Farvegur var grafinn inn í sandfjöruna á lágfjöru, síðan var honum siglt inn á háflóði og loks var fyllt að.

Heimild: Sjá hér

ÞRI
28-09-2021
-1°C - 20 m/sek
N 20
MIÐ
29-09-2021
2°C - 11 m/sek
SA 11
FIM
30-09-2021
0°C - 3 m/sek
N 3
FÖS
01-10-2021
0°C - 10 m/sek
N 10
LAU
02-10-2021
0°C - 10 m/sek
N 10
SUN
03-10-2021
1°C - 10 m/sek
N 10
MÁN
04-10-2021
1°C - 13 m/sek
N 13
Gögn eru sótt frá Vedur.is, veður stöðin heitir: Kleifaheiði


Staðir nálægt mér

© Anton Stefánsson | antonstefans@gmail.com

Vefsíðan notast við kökur