Hveragerði

Ósk
Séð

Suðurland

2.291 Manns

Sjá á korti

1930 skoðað

Í Hveragerði er margt markvert að sjá og auðveldlega má eyða drjúgum tíma í að skoða það sem bærinn hefur uppá að bjóða. Byrja mætti daginn í Hveragarðinum sem staðsettur er í miðjum bænum, er það ein merkasta náttúruperla Suðurlands. Á svæðinu eru mjög áhugaverðir hverir sem vert er að skoða auk framandi plantna í gróðurhúsi. Boðið er uppá eggjasuðu, brauðbakstur og leir- og vatnsfótaböð á svæðinu. Hveragerðiskirkja gnæfir yfir gestum en rétt handan hverasvæðisins eru skáldagöturnar Frumskógar og Bláskógar þar sem mörg af stórskáldum þjóðarinnar bjuggu á árdögum byggðar í Hveragerði. Ekki er langt í skógræktina undir Hamrinum en þar hafa verið lagðar fallegar gönguleiðir um skógi vaxnar hlíðar en fjölmargar merktar gönguleiðir eru í og við Hveragerði sem gerir bæjarfélagið að ákjósanlegum áningarstað göngufólks. Þeirra frægust er gönguleiðin inn Reykjadal sem endar oftast með baði í ylvolgri ánni sem liðast um dalinn.
Í lystigarðinum í miðbænum er notalegt að borða nestið sitt um leið og tærnar eru bleyttar í heitri ánni og dáðst að Reykjafossi. Sé gengið yfir göngubrúna í lystigarðinum og upp brekkuna handan árinnar er komið að sundlauginni Laugaskarði þar sem einkar ánægjulegt er að liggja í sjóðheitum pottunum eða heilsusamlegu gufubaðinu áður en einhver hinna fjölmörgu veitingastaða bæjarins eru heimsóttir.

Í Hveragerði er Heilsustofnun Náttúrulækningafélags Íslands staðsett, Listasafn Árnesinga og Upplýsingamiðstöð Suðurlands. Í Verslunarmiðstöðinni við Sunnumörk er sýning sem gerir grein fyrir afleiðingum jarðskjálftans sem reið yfir bæinn í maí 2008. Ofan bæjarins má einnig sjá nýtt hverasvæði sem opnaðist í jarðskjálftanum.
LAU
18-09-2021
8°C - 6 m/sek
ANA 6
SUN
19-09-2021
10°C - 6 m/sek
V 6
MÁN
20-09-2021
10°C - 9 m/sek
V 9
ÞRI
21-09-2021
4°C - 3 m/sek
NNA 3
MIÐ
22-09-2021
4°C - 2 m/sek
ANA 2
FIM
23-09-2021
5°C - 8 m/sek
NNV 8
FÖS
24-09-2021
6°C - 7 m/sek
NNV 7
Gögn eru sótt frá Vedur.is, veður stöðin heitir: Kálfhóll


Staðir nálægt mér

© Anton Stefánsson | antonstefans@gmail.com

Vefsíðan notast við kökur