Sultartangastöð

Ósk
Séð

Suðurland

Sjá á korti

841 skoðað

Framkvæmdir hófust árið 1997 en stöðin komst í fullan rekstur árið 2000. Þetta varð fimmta stórvirkjun Landsvirkjunar en áður höfðu verið byggðar virkjanir við Sigöldu og Hrauneyjafoss í Tungnaá, Búrfell í Þjórsá, og neðanjarðarvirkjun í Blöndu.

Sultartangastöð nýtir vatn er rennur úr Sultartangalóni sem myndaðist á árunum 1982 – 1984 þegar Þjórsá og Tungnaá voru stíflaðar austan undir Sandafelli, u.þ.b. kílómetra ofan ármótanna. Sultartangastíflan er lengsta stífla á Íslandi. Á byggingartíma Sultatangastöðvar var stíflan hækkuð um einn metra og við það óx lónið úr 18 í 20 km².

Aðrennslisgöng liggja úr lóninu í gegnum Sandafell að jöfnunarþró suðvestan í fellinu. Við enda þróarinnar er stöðvarinntak eða aðhlaupshús og þaðan liggja stálpípur að stöðvarhúsinu. Aflvélar eru tvær af Francis gerð, hvor um sig 60 MW.

Frárennslisskurður liggur frá stöðvarhúsinu í rótum Sandafells, um Álftafell og niður á Hafið. Skurðurinn sveigir í stefnu meðfram farvegi Þjórsár og fylgir honum að stað 800 m ofan við veitustíflu Búrfellsvirkjunar þar sem hann liggur út í farveg Þjórsár.

Heimild: Sjá hér
Mynd: Anton Stefánsson

ÞRI
28-09-2021
2°C - 2 m/sek
VNV 2
MIÐ
29-09-2021
4°C - 9 m/sek
SSV 9
FIM
30-09-2021
2°C - 7 m/sek
ANA 7
FÖS
01-10-2021
6°C - 8 m/sek
NA 8
LAU
02-10-2021
5°C - 9 m/sek
NNA 9
SUN
03-10-2021
4°C - 2 m/sek
VSV 2
MÁN
04-10-2021
5°C - 11 m/sek
NNA 11
Gögn eru sótt frá Vedur.is, veður stöðin heitir: Búrfell


Staðir nálægt mér

© Anton Stefánsson | antonstefans@gmail.com

Vefsíðan notast við kökur