Tjaldstæðið Systragil

Norðurland

Sjá á korti

1396 skoðað

Tjaldsvæðið Systragil er í landi Hróarsstaða, Fnjóskadal, Suður - Þingeyjarsýslu. Frá Akureyri eru 36 km í Systragil. Í Fnjóskadal vestan megin er beygt í suður, Illugastaðaafleggjara (vegnúmer 833) en hann liggur að Systragili sem er 5 km frá gatnamótum.

Tjaldsvæðið Systragil er mjög vel staðsett fyrir þá sem vilja kynnast Norðurlandi, njóta dvalar í góðu veðri og slappa af í rólegu umhverfi. Frá Systragili er stutt í flesta vinsælustu áningarstaði ferðamanna á svæðinu eins og Vaglaskóg ( göngufæri), Flateyjardal , Laufás, Fjörður, Goðafoss og Akureyri, 60 km í Mývatnssveit og 90 km til Húsavíkur, höfuðstaðs hvalaskoðunar.

Tjaldstæðin eru á tveimur stöllum en fastaleigusvæði á þriðja og jafnframt hæsta stallinum og einnig upp með læknum.

Rafmagn er á öllum stöllum, á neðsta stalli er tengt í útitengil við snyrtihús, á efri stöllum í kassa, leiktæki eru ofan við snyrtihús.

Stutt er í sund í Stórutjarnaskóla og á Illugastöðum, þá er stangveiði í Fnjóská. Lítil búð er í göngufæri í Vaglaskógi og stutt yfir í 9 holu golfvöll í Lundi. Merktar gönguleiðir eru bæði í Vaglaskógi og upp með Systragili, Þingmannaleið. Mikill gróður og lækurinn Systralækur.

Í hlíðunum fyrir ofan tjaldstæðið eru melar og skóglendi og þar má finna mikið af berjum og sveppum seinni part sumars.

Verðskrá:

  • 1200 kr fyrir manninn, pr./nótt
  • Elli og örorkuþegar:  1000kr
  • 4 hver nótt frí
  • Rafmagn:  600 kr
  • Sturta:  300 kr
  • Þvottavél:  400 kr

Heimild: Sjá hér
Mynd: Systragil

FÖS
16-04-2021
10°C
SSV 8
LAU
17-04-2021
8°C
S 7
SUN
18-04-2021
5°C
VSV 14
MÁN
19-04-2021
6°C
SSV 5
ÞRI
20-04-2021
6°C
SSV 3
MIÐ
21-04-2021
5°C
SA 2
FIM
22-04-2021
12°C
SSA 2
Gögn eru sótt frá Vedur.is, veður stöðin heitir: Akureryi123456


Staðir nálægt mér

© Anton Stefánsson | antonstefans@gmail.com