Jaðarsvöllur

Norðurland

Sjá á korti

756 skoðað

Hinn 19 ágúst 1935 hittust 27 menn í Samkomuhúsinu Skjaldborg á Akureyri, í þeim tilgangi að stofna golfklúbb á Akureyri. Okkur sem í dag njótum góðs af framsýni þeirra og dugnaði verður óneitanlega hugsað til þeirra og það er ekki annað hægt en að fyllast aðdáun á baráttunni fyrir því að hefja golfíþróttina til vegs hér í bænum. Gunnar Schram var kosinn fyrsti formaður Golfklúbbs Akureyrar og var fyrsti golfvöllurinn 6 holur á Gleráreyrum.

Í núverandi aðsetri klúbbsins, að Jaðri, er starfræktur 18 holu golfvölur, æfingasvæði, sérverslun með golfvörur, veitingasala og leiga á golfbílum og -settum. Starfsemi klúbbsins er mest yfir sumartímann, þ.e. frá maí og fram í október, þegar mótahald o.fl. þess háttar fer fram. 

Starfsemin utan þessa tíma hefur verið mjög vaxandi, en golfklúbburinn býður félögum sínum innanhússæfingaaðstöðu í Golfhöllinni, þar sem hægt er að æfa löngu höggin með því að slá í net, auk þess að geta æft pútt og vipp við fyrsta flokks aðstöðu.  Einnig er í Golfhöllinni í boði að taka hring í golfhermi.

Árangur kylfinga í GA hefur verið góður í gegnum árin, sem sést best á fjölda Íslandsmeistara í öllum aldursflokkum.  Nánari upplýsingar um þá er að finna hér til hægri á síðunni.

Sjö manns skipa stjórn klúbbsins, fimm aðalmenn og tveir varamenn. Fjórir fastir starfsmenn eru hjá GA á ársgrundvelli, en klúbburinn sér um alla umhirðu, slátt o.þ.h. sem krefst fjölda starfsmanna yfir sumartímann.

Heimild: Sjá hér
Mynd: Golfklúbbur Akureyrar

FÖS
16-04-2021
10°C
SSV 8
LAU
17-04-2021
8°C
S 7
SUN
18-04-2021
5°C
VSV 14
MÁN
19-04-2021
6°C
SSV 5
ÞRI
20-04-2021
6°C
SSV 3
MIÐ
21-04-2021
5°C
SA 2
FIM
22-04-2021
12°C
SSA 2
Gögn eru sótt frá Vedur.is, veður stöðin heitir: Akureryi123456


Staðir nálægt mér

© Anton Stefánsson | antonstefans@gmail.com