Norðfjarðarkirkja

Ósk
Séð

Austurland

Sjá á korti

248 skoðað

Kirkjan er byggð upp úr Skorrastaðakirkju sem smíðuð var 1886 og fauk í ofsaveðri 1896. 

Breytingar sem hafa verið gerðar á kirkjunni:

Kór smíðaður við kirkjuna 1944. 

Kór færður 1992 og kirkjan lengd og útbygging smíðuð við norðurhlið. Hönnuðir: Stefán Örn Stefánsson og Grétar Markússon arkitektar. 

Norðfjarðarkirkja (Neskirkja) er timburhús, 14,68 m að lengd og 7,74 m á breidd, með kór við austurstafn, 3,76 m að lengd og 4,82 m á breidd, og söngstúku við norðurhlið tengda safnaðarheimili, 4,07 m að lengd og 5,83 m á breidd. Þakið er krossreist og upp af vesturstafni er ferstrendur turn með íbjúgu píramítaþaki. Klukkuskífa er á framhlið turns en hljómop með hlera á hvorri hlið. Kirkjan er klædd lóðréttri plægðri borðaklæðningu en þök bárujárni og stendur á steinsteyptum sökkli. Á suðurhlið kirkju eru fjórir smárúðóttir bogadregnir gluggar, tveir á norðurhlið, tveir minni á hvorri hlið kórs, einn hvorum megin dyra og einn yfir þeim. Fyrir kirkjudyrum eru vængjahurðir og dyr á austurhlið söngstúku. 

Forkirkja er stúkuð af framkirkju með þverþili. Í henni sunnan megin er stigi upp á setuloft með þverum framgafli yfir forkirkju og fremsta hluta framkirkju og setsvala inn með hliðum. Norðan megin í forkirkju eru dyr að tengibyggingu milli kirkju og safnaðarheimilis. Að framkirkju eru vængjahurðir og gangur inn af þeim og bekkir hvorum megin gangs. Kórútbyggingin er hafin yfir kirkjugólf um eitt þrep. Innst í framkirkju norðan megin er útbyggð söngstúka fyrir orgel og söngflokk. Veggir eru klæddir lóðréttum panelborðum. Yfir framkirkju og kór eru panelklæddar hvelfingar. 

Heimild: Sjá hér
Eigandi myndar:  Böðvar Eggertsson

 

SUN
05-12-2021
3°C - 9 m/sek
SSA 9
MÁN
06-12-2021
3°C - 9 m/sek
ASA 9
ÞRI
07-12-2021
1°C - 6 m/sek
VNV 6
MIÐ
08-12-2021
-1°C - 4 m/sek
NV 4
FIM
09-12-2021
5°C - 5 m/sek
SA 5
FÖS
10-12-2021
0°C - 5 m/sek
SV 5
LAU
11-12-2021
5°C - 16 m/sek
ASA 16
Gögn eru sótt frá Vedur.is, veður stöðin heitir: Neskaupstaður


Staðir nálægt mér

© Anton Stefánsson | antonstefans@gmail.com

Vefsíðan notast við kökur