Staðsetning: Sundlaugin er staðsett fyrir innan bæinn á Seljavöllum, innst inn í dalnum. Aðgengi: Ganga þarf nokkuð til að komast að lauginni. Leiðinn er greiðfær og einstaklega falleg.
Bygging Seljavallalaugar er sannkallað þrekvirki og ber þeim sem þar lögðu hönd á plóginn fagurt merki um mikið þrek og stórhug ungs fólks í upphafi síðustu aldar. Staðsetning laugarinnar er löngu rómuð fyrir fegurð og mikilfengleika, þar sem hún stendur í fögum fjallasal, rétt fremst við Laugarárgil. Allt um kring eru klettar og grónar brekkur þar sem gil og skorningar með lækjum brjóta landslagið upp. Við laugina sjálfa er klettaveggurinn einn bakki hennar og á hina hliðina skammt frá lauginni streymir Laugará fram dalinn. Kyrrðin þarna er algjör, aðeins ómur náttúrunnar, söngur fýlsins og ómur vatnsins, sannkallað ævintýraland.
Eins og fyrr segir voru það ungir menn í sveitinni í upphafi 20. aldar sem lögðu á brattann og hófu uppbygginguna. Þeir fengu síðan með sér sveitunga sína.

Texti og mynd fyrir ofan: www.eyjafjoll.is

Seljavallalaug er friðuð 25m útisundlaug fremst í Laugarárgili í Austur-Eyjafjallasveit. Tekur um 2-3 tíma að keyra úr Reykjavík að sundlauginni. Frá bílastæði tekur um 15-20 mín að ganga að lauginni. Hjá lauginni er lítið steypt hús, húsið er þrískípt með búningsklefum fyrir hvort kyn.