Auðkúlukirkja

Ósk
Séð

Norðurland

Sjá á korti

448 skoðað

Auðkúlukirkja var byggð árið 1894. Auðkúlukirkja er timburhús, ílangur áttstrendingur að grunnfleti, langhliðar hvorum megin eru 3,8 m að lengd en hinar hliðarnar sex eru 2,25 m að lengd. Þakið er krossreist upp af hliðarveggjum og gaflsneitt yfir kór og framkirkju. Á miðju þaki er ferstrendur stallur og á honum áttstrent þak upp að áttstrendum opnum turni. Hann er burstsettur, skreyttur laufskurði og á honum er há áttstrend spíra. Neðarlega á kirkjuþaki, upp af hverju horni, eru háar stoðir, ferstrendar neðst en rúnnaðar að ofan, og á þeim hnöttur með krossi og minni súlur með hnetti á burstum turns og spíru. Kirkjan stendur á steinsteyptum sökkli, veggir eru klæddir vatnsklæðningu, kantskorið kverkband undir þakskeggi og þök eirklædd. Á sex hliðum kirkju er gluggi, hornsneiddur að ofan. Í þeim er T-laga póstur og tveir fjögurra rúðu rammar neðan þverpósts en rammi með afskorin horn að ofan og í honum þrjár þríhyrndar rúður. Kirkjudyr eru á austurgafli og fyrir þeim eru spjaldsettar vængjahurðir til hlífðar spjaldsettri hurð. Framundan dyrum eru trétröppur með tveimur þrepum.

Inn af kirkjudyrum er gangur og aftursættir skásettir bekkir hvorum megin hans. Veggir eru klæddir strikuðum panelborðum. Flatt og mjótt loft er meðfram veggjum umhverfis kirkjuna en yfir henni miðri er oddbogalöguð hvelfing en oddbogalagað hálfhvol yfir kór og fremsta hluta framkirkju.

Heimild: Sjá hér
Mynd: SFjalar

SUN
05-12-2021
1°C - 17 m/sek
SSA 17
MÁN
06-12-2021
-1°C - 1 m/sek
NNA 1
ÞRI
07-12-2021
-3°C - 2 m/sek
SSV 2
MIÐ
08-12-2021
-12°C - 4 m/sek
S 4
FIM
09-12-2021
1°C - 5 m/sek
SA 5
FÖS
10-12-2021
-1°C - 7 m/sek
SSA 7
LAU
11-12-2021
2°C - 8 m/sek
NA 8
Gögn eru sótt frá Vedur.is, veður stöðin heitir: Vatnsskarð


Staðir nálægt mér

© Anton Stefánsson | antonstefans@gmail.com

Vefsíðan notast við kökur