Húsavík

Ósk
Séð

Norðurland

2.969 Manns

Sjá á korti

2911 skoðað

Sveitarfélagið Norðurþing varð til árið 2006 við sameiningu fjögurra sveitarfélaga: Húsavíkurbæjar, Kelduneshrepps, Öxarfjarðarhrepps og Raufarhafnarhrepps. Nær það yfir rúmlega 4% landsins, frá Reykjahverfi í Suður Þingeyjarsýslu að Ormarsá austan við Raufarhöfn og upp fyrir Grímsstaði á Fjöllum, í Norður Þingeyjarsýslu. Þéttbýliskjarnarnir í sveitarfélaginu eru Húsavík, Kópasker og Raufarhöfn.

Menning, mannlíf, listsköpun og saga einkennir Norðurþing. Talið er að sænski landkönnuðurinn Garðar Svavarsson, sem uppgötvaði fyrstur manna að Ísland væri eyja, hafi haft vetursetu á Húsavík fjórum árum áður en Ingólfur Arnarson nam landið.
Margar af helstu náttúruperlum Íslands eru innan Norðurþings. Fyrst ber að nefna Þjóðgarðinn í Jökulsárgljúfrum, með sína stórbrotnu náttúru. Selfoss, Dettifoss, Hafragilsfoss og Réttarfoss mynda einstæða fossakeðju sem á fáa sína líka í veröldinni, en þar eru einnig Hljóðaklettar og Ásbyrgi. Að auki má nefna Æðafossa í Laxá, Grettisbæli í Öxarnúpi auk Melrakkasléttu sem er ævintýri líkast að heimsækja, enda náttúra hennar margbrotin.

Fuglalíf er mjög fjölskrúðugt og fjöldi fuglaskoðunarstaða, t.d. í Kelduhverfi, Kotatjörn við Kópasker og á Rauðanúp á Melrakkasléttu, en þar er nyrsta súlubyggð á landinu auk þess sem hér er einn örfárra aðgengilegra varpstaða hennar.
Hvalaskoðun og sjóstangveiði á Skjálfanda er spennandi afþreying en einnig er hægt að stunda silungsveiði á mörgum stöðum í Norðurþingi, t.d. Mýrarkvísl, Botnsvatni fyrir ofan Húsavík, Litluá í Kelduhverfi, Presthólalóni og í ýmsum vötnum á Melrakkasléttu. Ekki má gleyma selnum, en hann er t.d. hægt að sjá við Jökulsá, Kópasker og Melrakkasléttu.
Söfn í Norðurþingi er mjög fjölbreytt, en þar eru m.a. byggðasöfn, hvalasafn og jarðskjálftasýning.

Heimild: www.nordurthing.is

LAU
19-06-2021
9°C - 4 m/sek
NNV 4
SUN
20-06-2021
8°C - 5 m/sek
NNV 5
MÁN
21-06-2021
13°C - 3 m/sek
N 3
ÞRI
22-06-2021
10°C - 3 m/sek
N 3
MIÐ
23-06-2021
7°C - 8 m/sek
NV 8
FIM
24-06-2021
12°C - 3 m/sek
NNV 3
FÖS
25-06-2021
16°C - 2 m/sek
SSV 2
Gögn eru sótt frá Vedur.is, veður stöðin heitir: Húsavík


Staðir nálægt mér

© Anton Stefánsson | antonstefans@gmail.com

Vefsíðan notast við kökur