Golfklúbbur Selfoss var stofnaður 24.janúar 1971. Svarfhólsvöllur er þriðji völlur klúbbsins frá byrjun og hefur verið í notkun frá árinu 1986. Allan þennan tíma hefur stöðugt verið unnið að endurbótum og breytingum á vellinum. Mestu breytingar frá upphafi hafa þó líklega verið teknar í notkun vorið 1999, með mörgum nýjum teigum og flötum.

Haustið 2008 voru gerðar breytingar á brautum 2, 3 & 4. 2009 er völlurinn því nokkuð breyttur. Flötin á 2. braut er að verða fullgróin og er komin í leik. Nýjir teigar eru á 3. og 4. braut. Vallarstarfsmenn GOS munu kappkosta að völlurinn nái aftur að verða með betri 9 holu völlum landsins.

Í golfskála GOS er veitingasala Matur og músík sem býður upp á létta heita og kalda rétti, sælgæti og hentugt snakk í golfpokann. Margs konar drykkir til sölu (vínveitingaleyfi).

Golfvörur: Í skála eru seldar golfvörur svo sem boltar, hanskar, tí og flatarmerki.

Önnur þjónusta:

Æfingasvæði, Kerru- og kylfuleiga, Aðgangur að kúluvél

Flatargjöld skal greiða í golfskála.

Sumaropnunartími (1. maí til 15. október) alla daga frá kl.10-22 og um helgar kl.8-22. sími 482 3335.

Heimild: Sjá hér
Mynd: Golfklúbbur Selfoss