Suðureyri

Ósk
Séð

Vestfirðir

320 Manns

Sjá á korti

1890 skoðað

Sjávarþorpið Suðureyri stendur við Súgandafjörð, sem er nyrstur svokallaðra Vesturfjarða á Vestfjarðakjálkanum. Fjörðurinn er langur og þorpið stendur yst í honum að sunnanverðu og stendur Suðureyri ásamt Bolungarvík á elsta bergi Íslands. Suðureyri er hluti af Ísafjarðarbæ sem m.a. er myndaður af þorpunum Þingeyri við Dýrafjörð og Flateyri við Önundarfjörð, auk Ísafjarðar, sem stendur við Skutulsfjörð í Ísafjarðardjúpi. Árið 1996 voru fyrrnefnd byggðarlög í Ísafjarðarbæ tengd saman með jarðgöngum, sem eru samtals um tíu kílómetrar að lengd. Strandlengja Vestfjarða er u.þ.b. einn þriðji hluti af allri strandlengju Íslands eða um 2.000 km. að lengd.

Vestfirðir eru taldir eiga mikla framtíð fyrir sér sem ferðamannaland vegna sérstöðu sinnar og náttúrufegurðar og ekki síst þeirra möguleika sem felast í hafinu umhverfis Ísland.
Upphaf fastrar byggðar á Suðureyri við Súgandafjörð má rekja til aldamótanna 1900 þegar fyrsta húsaþyrpingin myndaðist. Samgöngur við Suðureyri voru þá nánast eingöngu bundnar skipaferðum. Á þessum árum kom sér vel að eiga jörð, sem var í senn hentug til sauðfjárbúskapar og sjóróðra. Nálægðin við gjöful fiskimið hefur gert Suðureyri að eftirsóknarverðum útgerðarstað.

Mikil breyting hefur orðið á íslenskum fiskiskipum í eitthundrað ár. Fyrst voru það árabátar, síðar vélbátar, þilskip, stálskip og togarar og í dag er á Suðureyri fyrst og fremst um svokallaða hraðfiskibáta að ræða, sem eru fljótir í ferðum og koma með úrvals hráefni að landi. Þessir bátar eru hagkvæmir í rekstri og veiðarfæri þeirra skemma ekki fiskimiðin, eins og botnvarpa togaranna er talin gera.

Heimild: Sjá hér

SUN
24-10-2021
4°C - 8 m/sek
NA 8
MÁN
25-10-2021
Slydduél
2°C - 12 m/sek
NA 12
ÞRI
26-10-2021
4°C - 9 m/sek
A 9
MIÐ
27-10-2021
5°C - 12 m/sek
NA 12
FIM
28-10-2021
3°C - 8 m/sek
NA 8
FÖS
29-10-2021
3°C - 7 m/sek
NA 7
LAU
30-10-2021
3°C - 4 m/sek
NA 4
Gögn eru sótt frá Vedur.is, veður stöðin heitir: Flateyri


Staðir nálægt mér

© Anton Stefánsson | antonstefans@gmail.com

Vefsíðan notast við kökur