Svalbarðskirkja

Ósk
Séð

Norðurland

Sjá á korti

575 skoðað

Svalbarðskirkja er timburhús, 10,70 m að lengd og 5,84 m á breidd. Þakið er krossreist og klætt bárujárni. Kirkjan er klædd slagþili og stendur á steinhlöðnum sökkli. Á hvorri hlið kirkju og á hvorum stafni eru þrír sexrúðu gluggar. Fyrir kirkjudyrum eru spjaldsettar vængjahurðir og bjór yfir.

Inn af kirkjudyrum er gangur og þverbekkir hvorum megin hans en veggbekkir í kór. Lágt kórþil klætt póstaþili er í baki innstu bekkja. Í kórdyrum eru áttstrendir kórstafir með renndum súlum efst og boga yfir. Prédikunarstóll er framan kórþils sunnan megin og stoðir með boga yfir eru við inngöngu í hann. Veggir eru klæddir póstaþili en brjóstlisti er utan á klæðningunni undir gluggum umhverfis kirkjuna. Þverbitar eru milli veggja og yfir kirkjunni skarsúðarloft opið upp undir mæni.

Heimild: Sjá hér



Staðir nálægt mér

© Anton Stefánsson | antonstefans@gmail.com

Vefsíðan notast við kökur