Einarsstaðakirkja

Ósk
Séð

Norðurland

Sjá á korti

484 skoðað

Einarsstaðakirkja er timburhús, 10,91 m að lengd og 6,37 m á breidd. Þakið er krossreist og upp af vesturstafni er ferstrendur turn með íbjúgu píramítaþaki. Kirkjan er klædd listaþili, þak bárujárni, turnþak sléttu járni og hún stendur á steinhlöðnum sökkli. Á hvorri hlið kirkju eru þrír gluggar og tveir á kórbaki. Í þeim er krosspóstur og rammar með sex rúðum. Sexrúðu gluggi, heldur minni, er ofarlega á framstafni. Lítill hringgluggi er á framstafni turns og ferstrend hljómop með hlera fyrir á hvorri hlið. Fyrir kirkjudyrum eru fjölspjalda vængjahurðir. Yfir þeim er stórstrikaður bjór og strikaðir faldar til hliða.

Inn af kirkjudyrum er gangur og skásettir bekkir eru hvorum megin hans en veggbekkir í kór. Prédikunarstóll er syðst í innstu bekkjarröð. Setuloft á bitum er yfir fremri hluta framkirkju og stigi í norðvesturhorni. Tvær súlur eru undir frambrún þess. Veggir eru klæddir spjaldaþili upp undir syllu við neðri brún glugga en standþiljum ofan hennar. Efst á veggjum er strikasylla en yfir kirkjunni stafna á milli er panelklædd súð og skammbitaloft.

Heimild: Sjá hér

SUN
20-06-2021
9°C - 2 m/sek
NNV 2
MÁN
21-06-2021
12°C - 6 m/sek
SV 6
ÞRI
22-06-2021
12°C - 5 m/sek
V 5
MIÐ
23-06-2021
8°C - 4 m/sek
NNV 4
FIM
24-06-2021
14°C - 1 m/sek
VNV 1
FÖS
25-06-2021
16°C - 4 m/sek
SV 4
LAU
26-06-2021
17°C - 6 m/sek
SSV 6
Gögn eru sótt frá Vedur.is, veður stöðin heitir: Staðarhóll


Staðir nálægt mér

© Anton Stefánsson | antonstefans@gmail.com

Vefsíðan notast við kökur