Djúpivogur

Austurland

450 Manns

Sjá á korti

5111 skoðað

Djúpavogshreppur tilheyrir suðurfjörðum Austurlands. Svæðið samanstendur af þremur fjörðum; Álftafirði, Hamarsfirði og Berufirði, en á milli þeirra tveggja síðarnefndu skagar fram Búlandsnes, þar sem þorpið Djúpivogur stendur.
Þann 1.janúar 2011 voru íbúar sveitarfélagsins 447 og þar af um 20% dreifð um sveitir fjarðanna þriggja. Þjónustustig í þéttbýlinu er hátt, menningarlíf auðugt og ungt fjölskyldufólk hefur á síðastliðnum árum sótt í auknu mæli aftur til heimahaga sinna og sest þar að.
Staðurinn á sér langa og merkilega verslunarsögu sem spannar yfir 400 ár. Minnisvarði þessarar verslunarsögu er Langabúð, gamalt verslunarhús sem byggt var á árið 1790 og hýsir nú glæsilegt kaffihús ásamt söfnum sem tileinkuð eru sögu byggðarinnar við voginn, ráðherranum Eysteini Jónssyni auk safni til heiðurs myndhöggvarans Ríkarði Jónssyni, hugmyndasmiðs íslenska skjaldamerkisins, sem ólst upp á Strýtu við Hamarsfjörð.

Stórbrotin náttúra Djúpavogs býður upp á ýmsa möguleika í útivist. Margar kortlagðar gönguleiðir eru um svæðið, inn á milli kletta, út með fjörum og fram með vötnum þar sem fuglalíf er með eindæmum fjölskrúðugt og því tilvalið til fuglaskoðunar en bæði fulglaskoðurnar- og gönguleiðakort er hægt að nálgast á svæðinu. Báturinn Gísli í Papey ferjar fólk á söguslóðir papanna útí Papey yfir sumartímann, þar sem lundinn ræður nú ríkjum.
Frá Hótel Framtíð er fallegt útsýni yfir höfnina og Búlandstind, píramídalaga tind, sem gnæfir yfir þorpinu og er af mörgum talinn ein af orkustöðvum landsins. Hótelið er opið allan ársins hring og státar af glæsilegum matseðli og margvíslegum gistimöguleikum, hvort sem það er á herbergi á hótelinu sjálfu, í fullbúnum sumarbústöðum við hlið þess eða á nýendurbættu tjaldstæði í hjarta bæjarins.
Frekari upplýsingar á www.djupivogur.is.
Vegalengd Frá Reykjavík


FÖS
03-07-2020
5°C
A 3
LAU
04-07-2020
6°C
NA 6
SUN
05-07-2020
6°C
NA 9
MÁN
06-07-2020
8°C
NV 9
ÞRI
07-07-2020
6°C
ANA 3
MIÐ
08-07-2020
6°C
A 4
FIM
09-07-2020
9°C
NV 2
Gögn eru sótt frá Vedur.is, veður stöðin heitir: Papey


Staðir nálægt mér

© Anton Stefánsson | antonstefans@gmail.com