Glaumbæjarkirkja

Ósk
Séð

Norðurland

Sjá á korti

494 skoðað

Glaumbæjarkirkja er reist 1925-1926 og í henni er margt merkilegra gripa. Þar á meðal eru spjöld úr gömlum prédikunarstóli frá 1685 með myndum af Kristi, Pétri, Lúkasi, Matteusi, Markúsi, Maríu mey og krossfesting­unni, sem prýða veggi kirkjunnar.
 
Arkitektar kirkjunnar voru Einar Erlendsson og Rögnvald­ur Ólafsson. Ólafur Kristjánsson frá Ábæ var yfirsmið­ur kirkjunnar en Friðrik Páls­son múrari á Sauðárkróki sá um steypuvinnu og múrverk. Árið 1994 voru miklar endurbætur gerðar á kirkjunni, sem Hjörleifur Stefánsson arkitekt stýrði. Þá voru bekkirnir frá 1926 látnir víkja fyrir nýjum, en grátur (gráður) og prédikun­arstóll, sem einnig voru smíðuð í kirkju­na 1926, héldu sér. 
 
Nýr predikunarstóll var smíðaður fyrir nýja kirkju 1926 og sá gamli seldur á upp­boði. Hann var tekinn sundur og spjöld­in notuð fyrir farg á hey sem segir margt um nýtni og sjálfsbjargarviðleitni manna fyrr á árum og ólíkan tíðaranda og verð­mætamat. Ekki voru stólspjöldin lengi notuð sem heyfarg því glöggur vegfar­andi kom auga á þau og sagði frá þeim. Hann áði við hey­fúlgu þar sem á voru hengdir timburflekar með merkilegum málverkum. Þekkti hann þar m.a. sjálfan Lykla-Pétur. Þessi ágæti vegfarandi keypti spjöld­in og árið 1996 voru þau gefin kirkjunni.
 
Starfsfólk Byggðasafns Skagfirðinga sinnir gæslu á kirkjunni, sem er opin alla daga, yfir sumartímann.
 
Glaumbæjarkirkja er 7 km. frá vegamótum í Varmahlíð, frá þjóðvegi 1 og stendur við Sauðárkróks­braut nr. 75.

Heimild: Sjá hér
Mynd: A.More.S

LAU
19-06-2021
7°C - 5 m/sek
NNA 5
SUN
20-06-2021
10°C - 5 m/sek
V 5
MÁN
21-06-2021
11°C - 7 m/sek
S 7
ÞRI
22-06-2021
12°C - 3 m/sek
V 3
MIÐ
23-06-2021
7°C - 4 m/sek
N 4
FIM
24-06-2021
14°C - 2 m/sek
VSV 2
FÖS
25-06-2021
14°C - 6 m/sek
SSV 6
Gögn eru sótt frá Vedur.is, veður stöðin heitir: Sauðárkrókur flugvöllur


Staðir nálægt mér

© Anton Stefánsson | antonstefans@gmail.com

Vefsíðan notast við kökur