Boðið er upp á daglegar ferðir frá Djúpavogi út í Papey með m/b Gísla í Papey á tímabilinu frá 1. júní - 31. ágúst. Farið er frá smábátahöfninni kl 13:00 og komið til baka kl 17:00. Siglt er fram með fuglabjörgunum út í Papey, fuglinn skoðaður og selir á skerjum þar í kring. Gönguferð er um eyjuna í fylgd leiðsögumanns og komið við í kirkjunni sem er minnsta og elsta timburkirkja á Íslandi. Einnig er boðið upp á morgun- og kvöldferðir eftir pöntunum.